Пакча-саска шергештын

Маристатын увертарымыже почеш тений апрельыште эн чот пакча-саска ден чоҥымо материал шергештыныт. Йошкарушмен, мутлан, 24 процентлан, кешыр 17 процентлан, паренге 13 процентлан, шоган 9 процентлан шергырак лийын. Тидын годым помидор, олма, апельсин, виноград изиш шулдештыныт. 11 процентлан муно шергештын. Кинде да кинде кочкышлан ак 5 процент марте кугемын. Апрель мучашлан Марий Элыште эн кӱлешан кочкыш сату набор 4 тӱжем 300 теҥге лийын. Идалык тӱҥалтыш гыч 9 процентлан кушкын.