Медальым - врач-влаклан

Марий Элыште – у коронавирус ваштареш кучедалше 5 еҥлан Москван да уло Русьын Святейший Патриархше Кирилл деч наградым кучыктеныт. Тиде - Руш Православный Черкын «Патриаршая благодарность!» медальже. Тудым Йошкар-Оласе эмлымверын инфекций отделенийжым вуйлатыше Людмила Ахиевалан, Сарын ветеранже-влаклан республикысе клинический госпитальын тӱҥ врачше Алексей Красильниковлан, Оршанка рӱдӧ эмлымверын инфекций отделенийжын вуйлатышыже Марина Онучиналан да Козьмодемьянскысе эмлымверын инфекций отделенийжым вуйлатыше Маргарита Синюшкиналан кучыктеныт. Тиде медаль денак иерей Дмитрий Дьяковым палемденыт.