Мемнан-влак ойыртемалтыт

Марий Элысе команда «Туриада» спорт да туризм лагерьыште сай лектышым ончыкта. Юл кундем федерал округын спорт туризм дене первенствыже тиде кечылаште Саратов кундемыште эрта. Велосипед дистанцийыште мемнан-влак кумшо верышке лектыныт. Ӱдыр-влак коклаште йолын коштмо дистанцийыште Надежда Семенова эн сай лектышыш шуын. Ты дистанцийыштак рвезе-влак коклаште чыла призан вер - республикысе командын.