Йоча каныш

1-ше гыч 21-ше июнь марте рӱдоласе тунемме тӧнежла пелен 40 лагерь пашам ышташ тӱҥалеш. Тушто 3 тӱжем 800 утла тунемшылан вер лиеш. Пандемийлан кӧра кодшо ийын лагерь-влак пашам ыштен огытыл. Тений 30 лагерь школла пелен, 10 лагерь ешартыш шинчымашым пуышо рӱдерлаште почылтыт. Тушто икшыве-влак 8 шагат 30 минут гыч 14 шагат 30 минут марте лийыт. Нуным кок гана пукшат, модыктат, тӱрлӧ спорт, тӱвыра да каныме мероприятийым эртарат.