Яллашке туныктышо-влак мият
У тунемме ийыште «Земский туныктышо» программа почеш республикысе школлашке 12 туныктышо пашам ышташ кая. Педагог-влак элнан тӱрлӧ кундемже гыч улыт: Угарман, Карачаево-Черкесий, Тыва республика, Моско кунем, Санкт-Петербург гыч. Нунын коклаште Марий Элын ик районжо гыч весышке куснышо-влакат улыт. Мутлан, Козьмодемьянск гыч Ирина Чайкина Морко районышке пашам ышташ кусна да лишыл 5 ий жапыште тушто англичан йылмым туныкташ тӱҥалеш. «Земский туныктышо» программыш ушнышо кажне педагоглан федерал бюджет гыч 1 миллион теҥге окса ойыралтеш. Тылеч посна илыме верым айлымылан да коммунал усугылан оксам мӧҥгеш пӧртылташ йӧн уло. Чалаже тений ты программа почеш конкурсыш 28 йодмаш пурен. Ушештараш кӱлеш: программа у, кодшо ийын веле пашам ышташ тӱҥалын. Ӱмаште марий кундемыш пашам ышташ толшаш верч конкурсышто 13 педагог сеҥен, латиктынже толыныт.