Йоча каныш шулдештеш

Марий Элыште уло Российыште семынак йоча канышлан кэшбек программа пашам ышташ тӱҥалын. Тудын почеш йоча лагерьлашке путёвка акын пелыжым мӧҥгеш пӧртылтат. Но тиде стационар лагерь лийшаш да официальный реестрыш пурышаш. Палаткан, оласе але кечывалым гына пашам ыштыше йоча лагерь-влак ты программышке огыт пуро. Эше ик йодмаш - путёвкылан «Мир» карта дене тӱлыман. Путёвка акын пелыжым 5 кече жапыште тиде картышкак колтат. Тачысе кечылан Марий Элыште реестрыште 14 стационарный лагерь уло, лишыл жапыште эше кокыт ешаралтшаш. Республикысе туныктыш министерствын сайтыштыже «Йоча каныш да кап-кылым тазаҥдыме кампаний» лаштык уло. Тушко пурен, йоча-влакын кеҥеж канышышт шотышто чыла йодышым рашемдаш лиеш.

Прошлые выпуски