Йоча травматизмым иземдаш манын

Йошкар-Олаште йоча корно да транспорт травматизмым шижтарыме шотышто рӱдер почылтеш. Тудо Йоча да самырык-влаклан усталык полатыштышт лиеш. Тыгай рӱдер-влак Россий мучко ышталтыт. 2017-ше-2020-шо ийлаште 60 регионышто почылтын, тений эше 25 регионышто почаш палемдыме. Тиде паша корнышто йоча-влак дене лийше аварийым иземдыме шотышто Всероссийский программышке пура. Тыгай рӱдерлаште йоча-влакым да нунын ача-аваштым корно правиллан туныктат, транспортышто шкем кузе кучаш кӱлмӧ нерген ушештарат. Рӱдерыште «Лӱдыкшыдымылык лабораторий» лиеш. Лӱмын келыштаралтше автобус районлашке лектын кошташ да тушто профилактика пашам эртараш тӱҥалеш.   Шкешотан автогородок чыла кӱлеш оборудований да инструмент дене йӧнештаралтеш.