Таҥасымаш эрта

28-ше май гыч 1-ше июнь марте «Тумер ото» тунемме да тренировкым эртарыме базыште «Лӱдыкшыдымылык школ» таҥасымаш эрташ тӱҥалеш. Самырык утарыше ден пожарный-влак туткар лийме годым шкем кузе кучаш кӱлмым да икымше полышым пуэн моштымыштым ончыктышаш улыт. Нуно нелылык да пожар полоса-влакым, пожар эстафетым, илен-лекме маршрутым эртат, физически шуаралтмыштым тергат, кычал-утарыме пашам эртарат, кроссым куржталыт да моло заданийым шуктышаш улыт.