"Канде" тулым - кажне суртыш

Эше ик паша погынымаш Россий правительстве председательын алмаштышыже Александр Новак дене лийын. Тушкат Марий Элым вуйлатыше ушнен. Ты видеоконференцийыште пӱртӱс газ нреген ойлалтын. Лачшым гын: газифицированный илыме верлаште газ деч посна кодшо суртлашке «канде» тулым намиен шуктымо нерген. Марий Элыште тыгайже (ончылгоч шотлен лукмо почеш) 7 тӱжем нарышке шуэш. Тиде увер кызыт эше рашемдалтеш. Чумыр ончылмаште май тӱҥалтышлан республикысе яллаште газификаций 78 процентышке шуын. «Марий Эл Республикыште газификаций да газоснабжений 2019-2023» программа почеш кок ий жапыште 233 километр наре поселко кокласе да посёлко кӧргысӧ газпучым шупшшаш улыт.