Прививкым кугурак-влак утларак ыштат
Марий Элыште коронавирус деч 316 тӱжем 700 утла еҥлан прививкым шындаш палемдыме. Тиде - республикыште илыше кугыеҥ-влакын 60 процентше. Тидын нерген Роспотребнадзорын республикысе виктымже увертара. 26-шо майлан вакцинацийын икымше этапшым 56 тӱжем утла еҥ эртен, кокымшым - 46 тӱжем утла еҥ. Прививкым ыштыше-влакын пелыже 60 ияш деч кугырак-влак улыт. Вакцина кум тӱрлӧ уло. Прививкым медицина тӧнежла пеленсе 110 пунктышто ыштыкташ лиеш. Тыган 64 мобильный бригаде пашам ышта.