Корно пале-влакым уэмдат

Марий Элысе кугорнылаште корно пале-влакым уэмдат. Тыгай пале-влак корно лӱдыкшыдымылыкым кугемдымаште кугу верым айлат. Вет нуно кушто да кузе кудалаш кӱлмым умылтарат, лӱдыкшӧ верла нерген шижтарат. А пычкемыш годым эше волгалтыт. ГИБДД пашаеҥ-влак ачалыме корно участкылаште поснак тӱткӧ лияш да знак-влакым шотыш налаш йодыт. Идалык тӱҥалтыш гыч тыгай верлаште 6 корно туткар лийын. 2021-ше ийыште «Марийскавтодор» корно пале-влакым чиялтыме шотышто ой-пидышым «Дороги Урала» организаций дене ыштен. Разметка-влакым 1 тӱжем 88 километр кужытыш шуйналтше корнышто ыштыман.