Ветеринар службо-влак иквереш чумыргеныт

Угарманыште Юл кундем федерал округысо кугыжаныш ветеринар службо-влакын коллегийышт эртен. Тушто Республикысе ветеринарий комитет председатель Валентина Вавилова лийын. Коллегийыште Юл кундем федерал округышто Ветеринарий советым ыштыме нерген ойленыт. Тудым неле эпизотический ситуацийыште икте-весылан полшаш манын чумырат. Погынышо-влак тыгай Советын кӱлешлыкшым пеҥгыдемденыт да ваш-кылым кучымо нерген ой-пидышым ыштеныт. Ушемым Ульяновск областьысе ветеринарий агентствын председательже Нина Пелевина вуйлаташ тӱҥалеш.