Марий Элыште шошо ага паша умбакыже шуйна
Марий Элыште шошо ага паша умбакыже шуйна. 31-ше майлан икияшым палемдыме кумдыкын 91 процентыштыже вераҥдыме. 100 процентлан планым Параньга, Шернур, Морко, Оршанка, Килемар да Юрино районласе ял озанлык предприятий-влак теменыт. Эн кугу кумдыкышто – 27 тӱжем наре гектареш - икияшым Марий Турек районышто ӱдаш палемдыме. Тачысе эрлан тушто 25 тӱжем наре гектареш ӱдымӧ лийын.