Эше ик конкурс иктешлалтын

Марий Элыште тӱвыра шӧрыныштӧ эн сай преподаватель-влакым палемденыт. Тений ты республикысе конкурс 14-ше гана эртаралтын. Конкурсын йодмашыже почеш сеҥышым икмынярым ойырат. Тыге комиссий «Идалыкын преподавательже 2021» лӱмым 8 еҥлан пуаш пунчалын. Тиде:

- Йошкар-Оласе 1-ше номеран художественный школ гыч Земфира Ахметова,

- Йошкар-Оласе 7-ше номеран сымыктыш школ гыч Наталья Елькина,

- Морко йоча искусство школ гыч Эльвира Ефимова,

- Чайковский лӱмеш сымыктыш школын педагогшо Наталья Кротова, 

- У Торъял йоча искусство школын педагогшо Любовь Пирогова,

- Йошкар-Оласе художественный училищын туныктышыжо Олеся Орлова да

- Палантай лӱмеш тӱвыра да сымыктыш колледжын преподавательже-влак Анатолий Ермаков ден Олег Филиппов.