"Туныктымаш" нацпроект

Марий Элым вуйлатыше Александр Евстифеев Республикысе правительствын еҥже-влак да муниципал образований вуйлатыше-влак дене погынымашым эртарен. Тушто «Туныктымаш» калыкле проектыш пурышо регионысо проект-влакын шукталтмышт нерген ойлалтын. Туныктыш да шанче министр Наталья Адамован палемдымыже почеш, республикыштына тыгайже визыте. Ик эн тӱҥжӧ - школлаште тачысе саманын йодмашыжлан келшыше верым ышташ. Мут толмашеш, 2017-ше ий гыч республикыште 5 у школым чоҥымо. Кызыт Медведево поселкышто да Марий Турек районысо Сардаялыште чоҥат. Тыгак Марий Элысе школлаште почылтшо «Точка роста» рӱдер-влак нергенат палемдыде кодаш огеш лий. Сентябрьыште эше 21 рӱдер почылтшаш. Погынымаште Марий Элым вуйлатыше школым чоҥаш мландым ситарыме шотышто йодышымат тарватен. Йошкар-Олан мэрже Евгений Маслов тачысе кечылан 9 тыгай яра вер уло манын палемден. «Эн шуко тунемме вер рӱдолаште да Медведево районышто кӱлеш. Кугу тӱткышым у микрорайонышто инфрастуктруым вияҥдымылан ойырыман», - палемден Александр Евстифеев.

Прошлые выпуски