Финн-угор калык форум

3-шо - 4-ше июньышто Ижевскыште Финн-угор калык-влакын всероссийский форумышт эрташ тӱҥалеш. Тушто Марий Эл гычат делегаций лиеш. Тудым Республикысе правительстве председательын икымше алмаштышыже Михаил Васютин вуйлата. Форумыш шанче, тӱвыра, мер пашаеҥ, журналист-влак каят. Тиде мероприятий Российыште национальный политика шотышто ик эн тӱҥлан шотлалтеш. Тудо финн-угор калык-влакын шанчыштым, тӱвыра ден йылмыштым вияҥдыме шотышто йодыш-влакым каҥашаш виктаралтын. Нуным пленарный погынымаш ден секцийлаште радамлаш тӱҥалыт. Форумын организаторышт – Национальность паша шотышто федерал агентстве да Россий Федерацийыште финн-угор калык-влакын ассоциацийышт.