Икымше ЕГЭ эртен
Марий Эл Республикыште 642 выпускник икымше Единый кугыжаныш экзаменым кучен. Тудо 31-ше майыште химий, географий да литератур дене эртен. Географий дене эн шагалже 37 баллым, химий дене 36 баллым, литератур дене 32 баллым погаш кӱлеш. Нине предметла дене результат 17-ше июнь марте пале лийшаш. Вес экзамен руш йылме дене лиеш. Тудым ӱдыр-рвезе-влак кок кече – 3-шо да 4-ше июньышто - возаш тӱҥалыт.