Питерыште кугу форум эрта
Петербургышто 14-ше тӱнямбал экономический форум шке пашажым умбакыже шуя. Тудын кышкарыштыже Марий Элын вуйлатышыже Александр Евстифеев икмыняр паша вашлиймашым эртарен, кугу промышленный предприятий-влакын стендыштым ончалын савырнен, «Цифровые сервисы для бизнеса» лӱман пленарный сессийышке ушнен. Тушто тачысе саманыште экономикын тӱрлӧ шӧрыныштыжӧ цифровизацийын верже нерген ойлалтын. Форумыштак Марий Элым вуйлатыше Хант-Мансий автономный округын гебернаторжо Наталья Комарова дене вашлийын. Мутланымаш тӱрлӧ проектым иквереш ыштыме да нуным илышыш пурымо нерген лийын. Экономика, шанче, технический да тӱвыра шӧрынлаште ваш-кылым пеҥгымдыме нерген ой-пидыш Пенза область дене ыштылтын. Юл кундем федерал округышко пурышо кок регион коклаште паша кылым вияҥдымаш моткоч кӱлешан. Тидын нерген Александр Евтифеев палемден. Пенза областьын губернаторжын сомылжым шуктышо Олег Мельниченко Марий Эл дене паша опыт дене пайлалтме кумыдыкм кугемдымаш сайлан шотлен.