Пляжым тергат
Йошкар-Олаште йӱштылмӧ вер-влакым тергат. Ушештарена: йӱштылмӧ тургым 1-ше июньышто почылтын. Игече эше юалге гынат, вӱд воктене каныше-влак улыт. Рӱдолаште кум пляж гына официальныйлан шотлалтеш: «Южный», Вантовый кӱвар воктене да Нолька ял тураште. Калыкын погынаш йӧратыме моло верлаште «Йӱштылаш чарыме» пале-влакым шогалтыме. Тушто вӱдыш пурымылан штрафым тӱлыктат.