Кадет- влак парашют дене тӧрштеныт

                    Марий Элыште «Авангардын» кадетше- влак икымше гана парашют дене тӧрштеныт. «Российын кадетше- влак» военно-патриот смена кышкарыште ДОСААФ-ын республикысе да Йошкар-Оласе пӧлкаже кугурак класслаште тунемше да «Авангардыште» шуаралтше- влаклан парашют дене тӧрштылаш йӧным ыштеныт. Мероприятийыш Йошкар-Оласе 3-шо номеран школын, Коркатово лицейын, Медведевысе кокымшо ден кумшо школын, Советский посёлкысо кумшо школын да Ургаш лицей-интернатын кадетше- влак ушненыт. Тыгай мероприятийым республикыште икымше гана эртарыме. Тазалыкым пеҥгыдемдыме смена мучашыште Йошкар-Оласе АСК-м вуйлатыше Зуфар Сафин чыла парашютистлан удостоверенийым кучыктен.