Артём Коровин- уэш сеҥыше

                   Волжск ола гыч Артём Коровин тӱнян кубокшым сеҥен налын. Гребля дене Российын спорт мастерже Артём Коровиным шукын палат. Тудым Владислав, Александр да Евгений Мещеряковмыт тренироватлат. Артём тымарте Российын Кубокшым налын, Российын Первенствыштыже сеҥен, Европын первенствыштыже ший призёр, Тӱнян Первенствыштыже кумшо лийын. Тиде гана адак сеҥымашке шуын. Барнаулышто байдарка да каноэ дене иймаште Тӱнян Кубокшын  кокымшо йыжыҥже эртен. Артём Российын сборныйжо радамыште кӱкшӧ лектышым ончыктен. Байдарка дене 500 метрыш иймаште да тӱжем метрыш таҥасымаште той награде- влакым сеҥен налын.

Прошлые выпуски