Йошкар-Ола аэропортлан лӱмым пуымо шотышто каҥашымашым иктешлыме
Йошкар-Ола аэропортлан лӱмым пуымо шотышто каҥашымашым иктешлыме. Теҥгече Республикысе Общественный палате Советын заседанийже лийын. Тудым вуйлатыше Герман Дементьев каласен: чылаже ятыр темлымаш пурен. Мучаш спискыш вич лӱмым пуртымо: композитор Андрей Эшпай, икымше тӱнямбал сар годсо лётчик Николай Кокорин, врач Виктор Севастьянов, писатель Сергей Чавайн, Обкомын икымше секретарьже Пётр Ураев. Йӱклымӧ годым эн шуко йӱкым Андрей Эшпайын лӱмжӧ поген. Тыге, заседанийыште Российын Общественный палатышкыже Йошкар-Ола аэропортлан марий композиторын лӱмжым пуаш йодмашым колташ лийме.