Верласе водоканал- влаклан полышым ямдылаш кӱштымӧ
Марий Элым вуйлатыше муниципал водоканал- влаклан полышым пуымо мера- влакым ямдылаш кӱштен. Тыгай задачым тудо районлаште вӱд пуч да канализаций предприятий- влаклан чарныде пашам шукташ йӧным ыштыме йодыш дене совещанийыште шынден. Ик районышто паша сайын кая, весыште- начаррак,- каласен тудо. Сандене тиде йодышым каҥашаш кӱлеш. Поснак предприятий- влакын электроэнергийым ситарыше компаний- влак ончылно погынышо парымышт нерген йодыш нӧлталалтын. Правительстве председательын икымше алмаштышыже Александр Сальников увертарен: южо районышто пайдаланымылан оксам тӱлымӧ дисциплина начаррак. Тыге парым погына.Суд пристав- влакын чарымашышт почеш аныклымаш вӱд пуч да канализацийын пашаштыже чаракым ышта. Тидыже аварий марте шуктен кертеш. Александр Евстифеев тышке шукташ ок кӱл манын каласен. Тидын годымак тудо Йошкар-Оласе «Водоканалын» воранен толшо пашажым примерлан конден. Тудын неле жапше лийын, но кучемын полшымыж дене лектыш саемын.