Волжскын мэрже Евгений Лебедевлан самырык- влак ыштышаш паша планым кучыктеныт

                  Волжскын мэрже Евгений Лебедев самырык- влакын инициативе ярмингаштын резолюцийжым налын. Оласе визымше номеран школышто «Волжскын Стратегийже- самырык- влакын шинчаончалтышышт» самырык- влакын ярмингашт эртен. Мероприятийыш 250 студент ден самырык специалист ушнен. Нуно олам сайракым ышташ манын, шке шонымашыштым луктын ойленыт. Деловой площадкылаште самырык бизнесмен- влаклан пайдале мероприятийым эртарыме нерген увертарымаште ситыдымаш- влакым каҥашыме, мастер-класс- влакым эртараш, «Мамакабо» фестивальым уэш тӱҥалаш темлыме. Тыгай мероприятий самырык да кугыеҥ- влаклан ик ойыш шуаш полша.