Эрла Российын кечыже палемдалтеш

                  Эрла Российын кечыже палемдалтеш. Республикысе калыкым тиде пайрем дене Марий Элым вуйлатыше правительствын да шкенжын лӱмжӧ дене саламла. Тиде кӱлешан кугыжаныш пайрем- икоян улмым да элым йӧратымашым ончыктышо символ. Таче ме Российысе калыкын икоян улмыжым ӱшанлын шижына, элнан эртыме корныжо, тӱвыра поянлыкше, шумо сеҥымашыже дене кугешнена. Республикын ятыр шочшыжо шуко сеҥымашын историйышкыже шке лӱмжым курымашлан возен да Ачамланде эллан служитлыме пример лийын. Кызытсе тукымын пашаже, шинчымашыже, тыршымашыже деч элнан ончыкылыкшо шога. Ме йӱлам арален кодышаш, сеҥымашым пойдарен шогышаш, йоча- влакым шочмо элым йӧратышым ончен-куштышаш улына. Пайрем кечын республикысе чыла калыклан шонымашке шуаш да у паша сеҥымаш- влакым тыланем,- ойлалтеш республикым вуйлатышын саламлымашыштыже.
                  Поро саламлымашым республикысе калыклан элнам вуйлатыше Владимир Путин колтен да тыге манын: тиде пайрем ятыр тукымым элым йӧратыме ак, эрык, чынлык йыр ушен шога. Ме чыланат элнам вияҥдымашке шке надырнам пышташ тыршена. Мемнан ик цельна- йӧратыме элна виян, а калыкын илышыже тыныс да улан лийже. Республикым вуйлатыше лӱмеш Россий правительствым вуйлатыше Михаил Мишустин дечат саламлымаш толын. Тудо палемден: 1990-шо ий 12-шо июньышто РСФСР-ын калык депутатше- влакын икымше погынышт кугыжаныш суверенитет нерген Декларацийым пеҥгыдемден. Пӱрымашым виктарыше тиде  документ Российлан правовой демократический кугыжаныш семын вияҥашыже тӱҥалтышым пыштен. Саламлымаш- влак моло вуйлатыше-шамыч дечат пурен шогат.