У Торъялыште вӱдзаборым уэмдыме лиеш

                 У Торъялыште вӱдзаборым уэмдыме лиеш. Тушто очистной станцийым чоҥаш палемдыме. Тидыже йӱшаш вӱдым пушкыдыракым ыштышаш.  Чоҥымо паша «Ару вӱд» федерал проект кышкарыште шукталташ тӱҥалеш. Кызыт У Торъялыште йӱшаш вӱд путырак пешкыдылан шотлалтеш. Тушто известь ден кальций шинчал нормо деч шуко. Очистной станций пожар частьлан да озанлык организаций- влаклан сай ару вӱдым ситараш полша. Шагатыште тудо 57 кубометр утла вӱдым колтен кертеш. Чоҥашлан 24 миллион утла теҥге оксам ойыраш палемдыме. Пашам тӱҥалме, чоҥымаш визымше тылзе кая. Тений идалык мучаш марте пашам мучашлаш шонат.
Фото: yoshkarola.bezformata.com