Москошто кугу марий концерт адакат кусаралтеш

                      Марий Эллан 100 ий темме лӱмеш Москошто лийшаш кугу концертым уэш вашталтыме. «Марий Мланде- Российын ямже» пайрем концерт 25-ше июньышто Кугыжаныш Кремль полатыште лийшаш ыле. Но тачысе кечылан Полатын сайтшын афишыштыже мероприятийым кораҥдыме нерген увер лектын. Тидыже, мутат уке, эпидемиологий ситуаций начареммылан кӧра ышталтын. Но вес жапыш кусарыме нерген увер кызытеш уке. Тымарте концертым икмыняр гана вес жапыш кусарыме. Эн ончыч тудо октябрьыште лийшаш ыле, вара- декабрьыште, тений- июньышто. Но кызыт адак ок лий, витне.
Фото: marimedia.ru