Республикым вуйлатыше Йошкар-Ола прокуратурын олмыктымо зданийжым ончен лектын да тӱвыра министерствын у паша йӧнжӧ дене палыме лийын

                       Республикым вуйлатыше теҥгече Йошкар-Ола прокуратурын олмыктымо зданийжым ончен лектын да тӱвыра министерствын у паша йӧнжӧ дене палыме лийын. Административный зданийым 1968-ше ийыште чоҥымо. Тудым кок йыжыҥ дене капитально олымктымо. Республикын прокуроржо Сергей Беляков палемден: уэмдыме пӧртыштӧ пашам ышташ чыла йӧн уло. Тиде событий Россий прокуратурылан 300 ий темме вашеш ышталтын. Олмыктымо зданий- оласе калыклан да республикылан сай пӧлек,- каласен прокурор. Республикым вуйлатыше пӧлем- влакым, пашам ыштыме йӧным ончен лектын. Александр Евстифеев тыгак Республикысе тӱвыра, печать да калык- влакын пашашт шотышто министерствын у полатышкыже миен. Тысе пашаеҥ- влак шукерте огыл шыгыр пӧлемла гыч куснен, у пӧртсийым палемденыт. Республикым вуйлатыше паша кабинетлам, конференц-залым, право да кадр паша пӧлкам, калык да конфессий кокласе кыл пӧлкам, канцелярийым, архивым ончен лектын да чоҥымо пашам сай манын аклен.