Общественность республикым вияҥдымашке кугу надырым пышта

                      Теҥгече Йошкар-Оласе усталык ушем- влакын пӧртыштышт Марий Элым вуйлатыше Александр Евстифеев мер инициативылан полышым пуышо толкынын активше дене вашлиймашым эртарен. Вуйлатышын мутшо почеш общественность республикым вияҥдымашке, тӱшка задаче- влакым виктарен колтымашке, кундемлам тӱзландарымашке, тӱвыра поянлыкым арален кодымашке, самырык тукымым патриотизм шӱлышеш шуарымашке  кугу надырым пышта. Тиде пашашке утларак еҥым ушаш кӱлеш. Сандене кундемыште шочмо мланде верч чонжо йӱлен шогышо, толкыным вуйлатен кертше инициативан, чолга еҥ кӱлеш. Кызыт толкынын активше уло, но у кӱкшытыш лекман, у вуйлатыше кӱлеш. Тиде толкыным вуйлаташ республикыште палыме еҥ лийшаш. Тиде депутат Владимир Кожанов лийын кертеш. Общественник- влак тыгай шонымаш дене келшеныт. Марий Элым вуйлатышын мутшо почеш, мер инициативылан полышым пуышо толкыным шукерте огыл ыштыме, но кызытак тудо шӱдӧ дене чолга еҥым ушен шога. Нуно Правительстве дене пырля калыкын темлыме ятыр тӱҥалтышым илышыш шыҥдареныт. Республикыште ыштен кертдыме задаче уке. Но чылан тидын годым таза лийшаш улыт да иквереш осал вирус дене кучедалаш кӱлеш,- каласен вуйлатыше.