Пожарыште погыштым йомдарыше- влаклан полыш лиеш

                Александр Евстифеев пожарыште погыштым йомдарыше- влаклан тӱрлӧ семын полшаш кӱштен. Кодшо кугарнян Йошкар-Оласе Пролетар уремысе чоҥен пытарыдыме пӧртыштӧ тул пижын ыле. Йошкар агытан ныл пачашан пӧртын пӧлемлажым гына огыл, воктелсе кок пӧртын икмыняр пачержымат авалтен. Тидын шотышто Республикым вуйлатыше Александр Евстифеев оперативный совещанийым эртарен. Эмганыше да ӱмыр лугыч лийше- влак уке, но илыме верлан кугу эҥгек ышталтын. Тулым йӧртымаште 23 еҥ да 9 технике тыршен. Александр Евстифеев ЧП деч вара илыме фондым терген лекташ да эҥгекыш логалше- влаклан полышым пуаш кӱштен. Пачерышт йӱлышӧ еҥ-влаклан жаплан илаш Йошкар-Оласе шоҥгыеҥ да инвалид- влаклан «Пӱнчер» интернат-пӧртым ойырымо. Илыме верым йомдарыше- влак шотышто йодышым контрольышто кучаш кӱштымӧ.