Республикыштына уэш чарымаш- влак пурталтыт

                Республикыштына Ковид-19 дене черланыше- влакын шукеммыштлан кӧра, уэш чарымаш- влак пурталтыт. Таче Марий Элым вуйлатыше Александр Евстифеев ондак лукмо шке Указышкыже вашалтышым пуртен. Тудын дене келшышын, организаций да посна амалкалче-влаклан шке пашаеҥыштын 30 деч шагал огыл процентшым дистанций гыч ыштыме пашашке кусарыман. Поснак 65 ий деч кугурак да хронический черан- влакым. Тидын годымак, коронавирус инфекций деч прививкым ыштыктыше- влак пашам ончычсо семынак ыштен кертыт. Пуртымо вашталтыш дене келшышын, ужалкалыме да каныме рӱдерлаште ийготыш шудымо- влалкан кугыеҥ деч посна кошташ чаралтеш, изи- влаклан модмо пӧлем- влак петыралтыт. Тиддеч посна ужалкалыме рӱдерлаште яра ыштыше вай-фай точко- влак йӧрталтыт. Республикыштына 5-ше июль марте утларак ямде улмо режимым пуртымо, тӱшка мероприятий- влакым эртараш ок лий, маскым чиен коштман.