Йоча лагерь- влак ончычсо семынак пашам ыштат

                     Кундемыштына Ковид ваштареш мера- влакым пеҥгыдемдымеке, ятыр ача-аван йодышыжо лектын: тазалыкым пеҥгыдемдыме йоча лагерь- влак пашам ышташ тӱналыт мо? Молан манаш гын, путёвкым налме, йоча- влак черетым вучат. Республикысе туныктыш министерствыште кумылаҥдыше вашмутым пуэныт: каныме организаций- влакын пашаштым чарыме шотышто решений уке .Но эпидемиологий лӱдыкшӧ ваштареш мерым шуктен шогымым пеҥгыдын тергаш тӱҥалыт, лагерьлаште пашам ыштыше- влак коронавирус деч прививкым ыштыктеныт, арня еда ПЦР-лан анализым пуат. А теве смена жапыште йоча- влак ача-ава дене вашлийын але лагерь деч ӧрдыжкӧ лектын огыт керт. Тиде чаралтеш. Марий Элыште йоча- влакын тазалыкым пеҥгыдемдыме да каныме чыла йӧнжат умбакыже пашам ыштат.