Марий калык кушеч лектын?- археологий выставке умылтара

                    Эрла 16 шагатлан историй да археологий тоштерыште  у экспозиций почылтеш: «Этноархеологий: Имнискарис деч Мари марте». Ончер  ятыр жап имнискарис, ц-р-мис, черемис лӱм дене палыме, 20-шо курым тӱҥалтышыште гына марий лӱмым налше калык нерген каласкала. Кущечын марий калык лектын, кузерак тудо койын, молан ӱшанен, мо дене илен: сар, сонар але мланде паша дене? Могайым нуным путешественник- влак ужыныт? Ятыр тукым археолог- влак пырчын-пырчын калыкын образшым погеныт да неле йодыш- влаклан вашешташ тыршеныт. Тоштерын адресше: Эшкинин урем, 10-шо А пӧрт.
Фото:  marpravda.ru