Сурткайык фабрикыш- экскурсий

              Ардысе студент- влаклан сурткайык фабрикыш экскурсийым эртареныт. Килемар районысо Озёрный посёлкышто  «Кайык кудывече» сурткайык фабрикыште Ардысе техникумын студентше- влаклан Почмо омса кече эртен. Ӱдыр- рвезе- влакым партийын секретарьже Николай Сорокин, социал полышым пуышо рӱдерым вуйлатыше Елена Васенёва, районысо пашавер рӱдерын директоржо Александр Калашников ужатен коштыныт. Предприятий мучко экскурсийым эртарыме, паша процесс нерген радамын ойлымо, кайыкым ашныме йӧным ончыктымо, фабрикыште санитар нормо кузе шукталтме нерген каласкалыме. Сурткайык фабрикыш пашаш пураш лиеш, кызыт лу еҥ кӱлеш. Ме шке районым вияҥдаш да шочмо кундемыште кодаш ӱжына,- ойленыт вуйлатыше- влак.
Фото: mari-el.er.ru