Самара олаште экологий лӱдыкшыдымылык йодышым каҥашыме
Марий Элым вуйлатыше Российысе лӱдыкшыдымылык Совет секретарьын выездной совещанийыштыже участвоватлен. Погынымаш таче Самара олаште Россий Федерацийын Лӱдыкшыдымылык Советшын секретарьже Николай Патрушевын да Юл кундем округышто Россий Президентын полномочный представительже Игроь Комаровын вуйлатымышт почеш эртен. Федерал министерстве ден ведомствылан еҥышт, округысо регионлан губернаторышт калыкле лӱдыкшыдымылык йодышым каҥашеныт. Мутлан, экологий да йырым йырысе средам аралыме проблеме нерген йодышым нӧлталыныт.