Эрик Сапаев лӱмеш опера да балет театр гастрольыш каен

                   Эрик Сапаев лӱмеш опера да балет театр гастроль турыш каен. Эн ончыч артист- влак Челябинскыш «Екатерина Максимова лӱмеш» фестивальыш миеныт. Ончылно нуно Кировышто, Москваште, Сочиште мастарлыкым ончыктышаш улыт, республикысе районлашкат мият. Спектакльым тений кеҥежым Шернурышто да Юриныште ончен кертыт. Кодшо кечылаште нуно  Чуваш ончышо- влакым «Сильва» оперетта дене куандареныт. Пошкудо- влак вашла визит дене 24-ше июньышто толшаш улыт. Нуно «Весёлая вдова» опереттым кондат.
Фото: operaballet.net