Марий УФСИН-ын таҥасымашыже эртен

                     Россий ФСИН-ын чемпионатышкыже Марий Эл гыч Джесси, Макс да Блэк каят. Марий УФСИН-ын чемпионатыштыже эн кугу тӱткышым шкеж деке нылымше номеран колонийын кинологшо Юлия Ускован воспитанникше Макс савырен кертын. Бельгийысе овчарке программын кыдалныжак эн шуко баллым поген да мучашлан арален коден. Профессионал пайремышт вашеш УИС-ын эн сай кинологшо- влак служебный пийышт дене многоборьеште таҥасеныт. Дрессировка, чаракым сеҥымаш, верлам да транспортым тергымаш, наркотик да пудешталт кертше веществам кычалмаш, осал пашам ыштышым кучен чарымаш- тиде пий- влакын заданийышт лийын. Тыге шке профильышт дене сеҥышыш Алексей Петров ден Иней, Юлия Ускова ден Макс, Николай Иванов ден Джесси, Ксения Фомченко ден Блэк лектыныт. Куснылшо кубкым 6-шо номеран колонийын кинологыштлан пуымо. Первенствын лектышыже почеш Россий чемпионатыште таҥасаш сборный командым ыштыме. Август тӱҥалтышыште Суздаль олаш Юлия Ускова, Ксения Фомченко да Николай Иванов шке пийышт дене каят.
Фото: https://www.marimedia.ru/