Марий Эл гыч ныл самырык профессионал калыкле чемпионатын финалышкыже кая
«Самырык профессионал- влак» 9-ше калыкле чемпионатын финалышкыже Марий Эл гыч ныл самырык специалист кая. 21-ше гыч 25-ше июль марте Уфа олаште рвезе- влак шке мастарлыкыштым ончыктат. Тений Российын эн сай самырык профессионалже лӱмым налшаш верч тӱжемат 800 конкурсант кучедалеш. Тушечын 600-жӧ юниор улыт. Нуно ойырен налме таҥасымашлаште сай лектышым ончыктеныт. Эксперт жюри радамыште кок тӱжем еҥ лиеш. Нуно Азий ден Тымык океан, Эрыкан кугыжаныш- влакын содружествышт радамыш пурышо элла гыч специалист улыт. Чемпионат 105 профессионал компетенций дене эрта. Нуным 7 блоклан шеледат. А юниор- влак 51 компетенций дене таҥасат. Марий Эл гыч кермычым оптымаште строительный техникум гыч Сергей Сурков, Йошкар-Оласе 12-шо школ гыч Святослав Орзаев, Электромонтаж дене Чакмарий школ гыч Иван Пайгатов ден Максим Михайлов мастарлыкыштым ончыктат.