Корным олмыкташ шушаш ийланат контрактым ышташ тӱҥалме

                    «Качестван лӱдыкшыдымӧ корно» калыкле проект кышкарыште шушаш 2022-шо ийлан 23 процент контрактым ыштыме. Таче Марий Элым вуйлатыше Александр Евстифеев Российысе регионлам вияҥдыме шотышто правительстве комиссий президиумын заседанийыштыже лийын. Тудым видеоконференц кыл йӧн дене Правительство председательын алмаштышыже Марат Хуснуллин эртарен. Погынышо- влак регионлаште корным да илыме верым чоҥымо пашам каҥашеныт. Марат Хуснуллин палемден: Кугыжаныш Дума ден Федераций Советын чаткан пашам ыштымыштлан кӧра, чоҥымо отрасльым виктараш административный чарак шагалемын. Тидыже объект- влакым ыштен шуктымо жапым кӱчыкемдаш полша. Мутлан, ондак вич пачашан пӧртым чоҥаш шонымо гыч ыштен шуктымо марте вич ий наре жап каен, а кызыт тудым 18 тылзылан кӱчыкемдаш лиеш. Марий Элыште социал объектлам, шуко пачеран пӧртым да корным писынрак чоҥаш манын, контракт ончылгоч пеҥгыдемдалтеш да пашат ондакырак тӱҥалеш. Тыгай задачым Александр Евстифеев шынден. Тидыже чоҥымо материалым ончылгоч налаш да регионлан ешартыш оксам ойыраш йӧным пуа. Мутлан, тений корно дене кылдлатше проект почеш 30 объектыште паша шукталтшаш. Контрактацийым 100 процентлан ыштыме, ик миллиардат 300 миллион теҥге окса кучылталтшаш. Кызыт шушаш ийланат конкурс процедура- влак эртаралтыт. 23 объект гыч 7-шылан контарктым ыштыме. Тидыже 23 процент лиеш.

Прошлые выпуски