Южышто ийше спортсмен
Йошкар-Ола гыч пилот юж дене иймаште Российысе Чемпионатыште участвоватла. Михаил Томуров Великие Луки олаште Российын 26-шо чемпионатышкыже ушнен. Спорт мероприятийыште чылаже 22 спортсмен Моско да Санкт-Петербург, Новгород, Тула, Калуга областьла, Татарстан да Марий Эл гыч моштымашыжым ончыкта. Пандемийлан кӧра ончышо- влакым огыт пурто, но чоҥештымыштым тора гычат ончаш лиеш. Михаил Юж дене иймаште ынде шым ий улеш, оласе «Куштыго еҥ- влак» клубышто участвовватла. 2019-ше ийыште тудо Российысе тепловой аэростатын 20 эн уста спортсмен-пилот радамышкыже пурен ыле.