Йошкар-Оласе школлам у тунемме ийлан ямдылат

                    Терым кеҥежым ямдыле манме семын, Йошкар-Оласе школлан классыштым кеҥежым ямдылат. У тунемме ий тӱҥалме марте рӱдӧ оласе школлаште ситыдымаш- влакым кораҥдат, кундемым тӱзландарат, тӧнеж- влакым шотыш кондат. Мутлан луымшо школын стадионыштыжо асфальтым тӧрлат. Кызыт тудлан подряд организацийым ойырат. Асфальтым куд тӱжем квадрат метр кумдыкышто уэмдышаш улыт. Кодшо ийын декабрьыште школ стадион йыр волгыдым пурташ 14 тул меҥгым шогалтыме ыле да тушан 16 светодиодан лампым вераҥдыме. Кеҥежым стадионын дорожкышт- влакымат тӧрлыман. Тыге спорт дене кылым кучаш 10-шо школышто тунемше- влаклан гына огыл, микрорайонышто илыше- влакланат йӧнан лиеш. А оласе 16-шо номеран школышто леведышым олмыктат. Технический заданий да проектно-сметный документаций дене келшышын, торгышто сеҥыше подрядчик конструкций- влакым рончен уым ыштышаш улеш. Тыгак тыгыде окнам, вӱд йогымо системым олмыкташ кӱлеш, вӱд ынже шыҥе манын моло ачалыме пашамат шуктыман.