Йошкар-Олаште эше латкок контейнер площадкым ыштыме лиеш
Йошкар-Олаште кеҥеж мучаш марте латкок контейнер площадкым ыштыме лиеш. Ола администрацийын ола озанлык виктемже тиде пашам шукташ эртарыме электрон аукционын лектышыжым иктешлен. Конкурсын лектышыже почеш подрядчикым ойырен налме. Тудо 12 адрес дене у площадке- влакым чоҥаш тӱҥалеш. Нуно Бауман да Волков, Йыван Кырла ден Какшан, Кутрухин ден Мичурин, Павленко ден Пушкин, Садовый, Советский, Транспортный уремлаште лийыт. Пашам 31-ше август марте ыштен пытарышаш улыт. Пашан акше кок миллионат 150 тӱжем теҥгем эрта. 2019-ше 2020-шо ийлаште ола округышто пеҥгыде шӱк-куштырам погаш 50 верым ыштыме, 22 контейнер площадкым пужен ыштыме да 10 наре площадкым вес верыш кусарыме.