Финн-угор тӱнян тӱвыра рудыверже вес ийын одо ялыште лиеш
Финн-угор тӱнян тӱвыра рӱдывержылан Одо кундемысе Байтеряково ялым ойырен налме. Одо ял тенийсе конкурсышто сеҥышыш лектын. Тидын нерген Эстонийысе Тарту олаште финн-угор калыкын Тӱнямбал конгрессыштышт увертарыме. Сеҥыше лӱм верч тыгак Йоласал марий селат кучедалын. Но йодмашым кӱлеш семын ямдылымылан, кумда тӱвыра программылан да вияҥше тӱнямбал кыллан кӧра жюри Байтеряково ялым ойырен налын. Тиде- тыгай лӱмым налше Удмуртийысе кокымшо ял- 2014-ше ийыште Быги ял тыгай лӱм дене коштын. Марий- влакын кок селашт тыгак финн-угор тӱнян тӱвыра рӱдыверже лӱман лийыныт ыле. Тений мероприятий- влак Эстонийысе Абья Палуоя олаште эртат.