Студент- влак паша семестрыш каеныт

                Марий Элгыч 100 утла студент «Орлёнокышто» да кӱртньӧ корнылаште пашам ышташ тӱҥалеш. Шке кеҥеж каникулышт годым ӱдыр-рвезе- влак кухньысо пашазе, утарыше, пляжым эрыктыше семын тыршат. Юлтех, МарГУ да Волжск гыч строительно-промышленный техникумын, Козьмодемьянскысе индустрий да предпринимательстве колледж да Йошкар-Оласе торгово- технологий техникумын студентше- влак гыч чумырымо 50 еҥан отряд Шем теҥыз серысе лӱмлӧ йоча рӱдерыш эртыше каныш кечын каен. «Орлёнокыш» черетан отряд июль мучашыште кая. Тиддеч посна марий вуз да училищыла гыч тунемше- влак Российысе кӱртньӧ корно компанийыштат тыршат. Санкт-Петербург- Адлер маршрутышто ӱдыр-рвезе- влак проводник семын пашам ыштен ончат.