Осал чер дене кучедалаш ешарен оксам ойырымо

                   Александр Евстифеев Совид-19 чер дене кучедалаш эше 58 миллион наре теҥге оксам ойырен. Марий Элым вуйлатыше осал черым шижтараш да кучедалаш мероприятий- влакым эртараш тазалыкаралтыш министерствылан бюджет гыч оксам ойыраш распоряженийым пеҥгыдемден. 30 миллион теҥгем медицина пашаеҥ- влаклан аралалтме средствым налаш, 25 миллион наре теҥгем стационарлаште коронавирус деч эмлалтше- влаклан противовирусный эм- влакым налаш да кум миллион теҥгем Ковидым рашемдаш тест-системым налаш колталтеш. Увертарыме ыле: черле шукеммылан кӧра эмлыме верлаште койко- влакым ешарыме. Кугу тӱткыш вакцинацийлан ойыралтеш. Кызыт республикыштына прививкым ыштыме 110 стационар да 74 мобильный пункт пашам ыштат.