Икмыняр урем петыралтеш
Йошкар-Олаште 26-шо июнь марте Подольскысо курсант- влак уремын ужашыже, 6-шо июль марте Вознесенский уремын ужашыже петырыме лиеш. Подольск курсант- влак уремын Машиностроитель деч Анциферов урем марте ужашыште корным олмыктымо паша кая. А Вознесенский уремын 85-ше пӧртшӧ деч Пушкин урем марте ужашыште вӱд пучым пыштат. Тыгак тачысе кече гыч кум кечылан Осипенко уремыште транспортлан кошташ чаралтеш.