Таче- Шарныме да ойганыме кече
Йошкар-Олаште Кугу Ачамланде сар тӱҥалме нерген шарныме лӱмеш сорта- влакым чӱктеныт. Оласе калык «Шарнена» мутым, «80» цифрым да шӱдыр символым сорта дене возен шынденыт. Теҥгече Шарныме да ойганыме кече вашеш совет герой- влакым шарналтеныт. Таче сар тӱҥалмылан 80 ий темын. Тудо шучко кече- влакым, тукымнан подвигыштым шарнена манын кас тымыкыште сортам ылыжтат. Воин Чап мемориалыште Юмын Аван Тихвин Юмоҥан Храмыштыже служба гыч кондымо тул гыч шӱдӧ дене сортам ылыжтен шындыме. Нуно «Шарнена», «80» цифрым да «Шӱдырын» символжым ончыктат.