Сайлымаш кампаний тӱҥалеш

                 Марий Элысе рӱдӧ сайлыме комиссийыште сайлымаш кампаний тӱналме нерген пресс-конференций эртен. Тений йӱклымӧ единый кече 19-ше сентябрьыште лиеш. Республикыштына сайлымаш кампаний кугу да тӱрлӧ кӱкшытан лийшаш. Пресс-конференцийыште каласыме: тачысе кечылан федерал да регион кӱкшытан камапний тӱҥалын: Кугыжаныш Думын 8-ше созыв депутатше- влакым да Кугыжаныш Погынын Рӱдӧ кокымшо да Оршанкысе 35-ше ик мандатан округлаште кок депутатшым ешарен сайлымаш. Тиддеч посна 20-шо гыч 30-шо июнь марте Йошкар-Олаште 7-ше номеран Набережный да 11-ше номеран Новозаречный округлаште ешартыш сайлымаш эрта. ЦИК-ым вуйлатыше Ирина Татаринова палемден: 2016-шо ий дене таҥастарымаште сайлыме законодательство вашталтын. Тений йӱклымӧ ик кече олмеш икмыняр кечаш йӱклымаш лиеш. Тудо кум кече шуйна. Сайлыше- влаклан цифран сервис пурталтеш. «Мобильный избиратель» йӧн уло. Тудо йӧнан верыште йӱклаш йӧным пуа. Чыла сайлыме комиссийыште видеоэскерыме йӧн пашам ышта. Бюллетень- влакым обрабатыватлыме комплекс- влак ешаралтыт. Подписной лист- влакым тергаш посна сканер кучылталташ тӱҥалеш. Сайлыме комиссийын еҥже- влак вакцинацийым эртат.