Канде тул эше шукырак ялыш толеш

                 Марий Элыште Морко, У Торъял да Звенигово районласе ялла деке газ пучым шупшаш ямдылалтыт. Морко ден У Торъял районлаште 2022-шо ий 1-ше декабрь марте проект да шымлыме паша- влак эртаралтыт. Звенигово районышто тыгаяк паша 3-шо октябрь марте эртаралтеш. Тидыже ончыкыжым посёлкыла кокласе газ пучым пышташлан кӱлеш. Морко районышто пучын кужытшо 23 меҥге утла лиеш. Тудо канде тулым Рушродо, Нуръял, Кугу ден Изи Кожлаял, Нӧрепсола, Чишкан, Волаксола, Чодырасола, Пумыр яллашке кондышаш. У Торъял районышто пучын кужытшо 21 меҥгыш лишемеш. Тудым пыштымеке Кремлёнко, Шерешнур, Васлисола, Эҥерӱмбал, Кӱан памаш, Пектансола, Изи да  Кугу Вӱръял илемлаште илыше- влак газ дене пайдаланаш тӱналыт. Проект да шымлыме пашалан 69 миллион утла теҥге окса ойыралтеш. Звенигово районышто шымлыме пашам шушаш ийын 3-шо октябрь марте шуктат. Тушто Уржумка, Какшамарий, Юлъял яллашке газ толшаш. Пашан акше 36 миллинат пеле. Ушештарена: лишыл вич ийыште республикыштына посёлкыла кокласе 17 пучым 260 меҥге кужытыш шупшшаш улыт. Тыге, канде тул Морко, У Торъял, Звенигово районлашке гына огыл, эше Оршанке, Параньга, Советский районлашкат толшаш.