Марий Элым вуйлатыше чоҥымо отрасльым вияҥдыме шотышто темлымашым ыштен

                      Марий Элым вуйлатыше чоҥымо отрасльым вияҥдыме шотышто темлымашым ыштен. Александр Евстифеев  Российысе чоҥымаш, илыме вер да коммунал озанлык министр Ирек Файзуллинын эртарыме семинар-свещаний кышкарыште  пашаче группын заседанийыштыже участвоватлен. Погынышо- влак олам чоҥымо, тошто пӧртлам пытарыме, мланде участкым айлыме, посна илыме верлам чоҥымо да моло пӱсын шогышо йодышлам каҥашеныт. Чоҥымаш министр отрасльыште сеҥымаш да шке шонымашыже нерген ойлен, поснак, проект да смета документацийым ончылгоч ямдылаш кӱлеш манын палемден. Марий Элым вуйлатыше Ирек Файзуллинлан чоҥымо отральым вияҥдаш чаракым ыштыше нелылык нерген увертарен да нуным кораҥдыме корным палемден. Поснак тудо тошто пӧртла гыч кусарыме годым илыме верын шке акше да налме акын ойыртемже нерген йодышым нӧлталын. Тыгак утдо яра кийыше мланде участкым айлыме нерген ойлен. Нуно терриорийым вияҥдаш чаракым ыштат да кужун чоҥалтше объект- влаклан кӧра лӱдыкшӧ лийын кертыт. Тиддеч посна пӧртым чоҥышо- влакын илыме верыштым регистрироватлыдымаш регионын показательжым начаремда манын. Тиде йодышым федерал кӱкшытыштӧ решатлыман. Молан манаш гын, оза пӧрт дене пайдалана, а тудым регирироватлыде шкаланже аныкым ышта, сандене ответственностьшат тудын дене келшен толшаш. Минстройым вуйлатыше тиде йодышын кӱлешлыкшым палемден да умбакыже пашам ышташ темлымаш спискыш пуртен.

Прошлые выпуски